Սաակաշվիլին ցանկանում է հանդիպել Մեդվեդևի և Պուտինի հե՞տ
2010-02-08 15:04:41
Վրաստանի նախագահ Միխեիլ Սաակաշվիլին ապարդյուն ջանքեր է գործադրում Ռուսաստանի նախագահի և վարչապետի հետ հանդիպում կազմակերպելու համար։ Այս մասին, «Ռեզոնանսի» թերթի փոխանցմամբ, հայտարարել է Վրաստանի խորհրդարանի նախկին խոսնակ, «Ժողովրդավարական շարժում – Միասնական Վրաստան» կուսակցության առաջնորդ Նինո Բուրջանաձեն։
«Սաակաշվիլին պարբերաբար պատվիրակներ է ուղարկում Մոսկվա՝ Մեդվեդևի և Պուտինի մոտ, սակայն վերջիններս նրանց չեն ընդունում»,- հայտարարել է Բուրջանաձեն։
«Սաակաշվիլին ցանականում է նրանց հետ անցկացնել եթե ոչ բացահայտ, ապա գոնե գաղտնի բանակցություններ։ Սակայն Ռուսաստանի նախագահն ու վարչապետը հրաժարվում են»,- ավելացրել է վրացական խորհրդարանի նախկին ղեկավարը։
Վրաստանի նախագահ Միխեիլ Սաակաշվիլին նախկինում բազմիցս քննադատել է բոլոր այն ընդդիմադիրներին, ովքեր խոսել են Ռուսաստանի հետ հարաբերությունների կարգավորման անհրաժեշտության մասին։ Թերթ.ամ
