ԵԽԽՎ դիտորդական խմբի ղեկավարը Ուկրաինայում նախօրեին կայացած ընտրությունները որակել է որպես թափանցիկ և կոչ արել ճանաչել նախագահին:
«Ընտրությունները կայացել են մրցակցային հիմքի վրա, պորֆեսիոնալ կերպով են անցկացվել և արտահայտում են ուկրաինացի ժողովրդի ցանկությունն այն հարցում, թե ո՞ւմ են նրանք ուզում տեսնել նախագահի պաշտոնում»,- ասել է ԵԽԽՎ-ի դիտորդական խմբի ղեկավար Մատիաշ Էրշին:
Ուկրաինական Ուտրո կայքը գրում է, որ Էրշի խոսքով, ընտրություններին մասնկացության թիվը բավական բարձր էր, ընտրությունները կայացան և այժմ գլխավոր գործոնն այն է, թե որքա՞ն խաղաղ և արդյունավետ կերպով կընթանա նախագահի պարտականությունների անցումը նոր նախագահին:
ԿԸՀ-ի նախագահի տեղակալ Անդրեյ Մագերայի խոսքով էլ, նախագահական ընտրությունների երկրորդ փուլում համակարգային խախտումներ չեն եղել: «Բոլոր խախտումները տարաբնույթ են, այս պահի դրությամբ չեմ կարող նշել որևէ խախտում, որը եղել է համակարգային և բնորոշ Ուկրաինայի ողջ տարածքին»,- ասել է Մագերան:
Իր հերթին վարչապետ Տիմոշենկոն հայտարարել է, որ նախագահի անունը տալ դեռ վաղ է և մտադիր է վերականգնել յուրաքանչյուր ձայնը:
«Յուրաքանչյուր ձայն որոշում է Ուկրաինայի ճակատագիրը, պայքարում ենք ամեն ձայնի համար»,- իր ընտրական շտաբում ասել է Տիմոշենկոն: Այսօր.ամ |
