ՀՀ արտակարգ իրավիճակների նախարարության Հայաստանի փրկարար ծառայության տեղեկատվության և հասարակայնության հետ կապերի բաժնից հայտնում են, որ փետրվարի 5-ին Լոռու մարզից տեղեկություն է ստացվել, որ ժամը 23.06-ին հրդեհ է բռնկվել Ստեփանավան քաղաքի Երիտասարդական փողոցով ընթացող ավտոմեքենայում: Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 23.15-ին, մարվել` 23.50-ին: Այրվել է Կ. Ջուլհակյանին պատկանող «Օպել Վեկտրա» մակնիշի ավտոմեքենան` մասամբ:
Փետրվարի 7-ին Շիրակի մարզից տեղեկություն է ստացվել, որ ժամը 06.50-ին հրդեհ է բռնկվել Գյումրիի Օլիմպիական հերթափոխի քոլեջի տարածքում: Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 07.27-ին, մարվել` 08.22-ին: Այրվել են քոլեջի հանդերձարանը, ծանրաձողի դահլիճը, միջանցքը, սանհանգույցը, գույքը` 101 քմ ընդհանուր մակերեսով:
