Նախօրեին Ուկրաինայում կայացել է նախագահական ընտրությունների 2-րդ փուլը:
Ուկրաինայի Կենտրոնական ընտրական հանձնաժողովը մշակել է ընտրական տեղամասային հանձնաժողովների արձանագրությունների 80, 04%-ը:
Ինչպես հաղորդում է rbc-ն, վերջին տվյալով, Վիկտոր Յանուկովիչի օգտին քվեարկել է ընտրողների 48,48%–ը, Յուլյա Տիմոշենկոյի օգտին` 45,86%–ը: Բոլորին դեմ է քվեարկել 4,47%-ը: Անվավեր է համարվել քվեների 1,17%-ը: Այսպիսով, Յանուկովիչի և Տիմոշենկոյի միջև ձայների տարբերությունն առայժմ 2,62% է:
Համաձայն վերջին տվյալների` քվեարկությանը մասնակցել է ընտրողների 69,95%-ը:
Երեկ Ուկրաինայում կայացած նախագահական ընտրությունների երկրորդ փուլում քվեաթերթիկների 90 տոկոսի հաշվարկից հետո Ռեգիոնների կուսակցության առաջնորդ Վիկտոր Յանուկովիչն է: Քվեների տարբերությունը, սակայն մոտ երկու տոկոս է:
Յանուկովիչի օգտին քվեարկել են ընտրողների մոտ 48 տոկոսը, իսկ վարչապետ Յուլիա Տիմոշենկոյի օգտին՝ շուրջ 46 տոկոսը:
«Բոլորին դեմ» քվեարկել են ընտրություններին մասնակցածների (գրանցված ընտրողների շուրտ 69 տոկոսը) 4,5 տոկոսը:
Երկրի Կենտրոնական ընտրական հանձնաժողովը հայտարարել է, որ քվեարկության ընթացքում «էական խախտումներ չեն հայտնաբերվել»:
Կիեւում հրավիրած մամուլի ասուլիսում Յանուկովիչը արդեն հայտարարել է, որ ինքն է հաղթել ընտրություններում: Տիմոշենկոյի նախընտրական շտաբի ներկայացուցիչն ասել է, որ իրենց անցկացրած «զուգահեռ» հարցման արդյունքներով, երկու թեկնածուները ստացել են հավասար քվեներ:
Ավելի վաղ Յուլիա Տիմոշենկոն հայտարարել էր, որ զանգվածային բողոքի ցույցերի կոչ կանի՝ եթե ընտրություններն անցնեն «անազնիվ»: |
