Ողջ աշխարհում բժշկի են դիմում հիվանդությունները կանխարգելելու նպատակով, ինչպե՞ս է Հայաստանում
Հիմա ժամանակները փոխվել են, մարդկանց հին մտածողությունը փոխվել է, ավելի շատ ճիշտ ժամանակին են դիմում. և կենսամակարդակն է բարձրացել, և մարդիկ հնարավորություն ունեն, և բժշկությունը ավելի մատչելի է, քան հեղափոխության սկզբնական ցուրտ ու մութ տարիներին:
Այսօր աշխարհում բուռն զարգացում է ապրում բժշկությունը, Հայաստանն այդ աշխարհի մաս կազմու՞մ է, բժշկության ո՞ր ճյուղերը կառանձնացնեք այդ համատեքստում
Հայաստանում դանդաղ է զարգանում, դա էլ երկրի հնարավորություններից է կախված: Մեր բաժանմունքն էլ, ինչպես բոլոր մյուս ճյուղերը դանդաղ է զարգանում, գուցե ժամանակի ընթացքում լուծվեն այդ խնդիրները: Մեր ֆինանսավորումը ցածր է և մենք չենք կարող մրցակցել արտասահմանյան կլինիկաների հետ, որովհետև իրենց մոտ տասնապատիկ բարձր են վճարումները:
Ի՞նչ դժվարություններ ունի բժիշկը Հայաստանում
Հայաստանում բժշկությունը սովետական համակարգի փլուզումից հետո այսպես ասած միջանկյալ անցումային փուլում է, այսինքն ինչ որ բան հնից մնացել է և նոր էլ դեռ չի ձևավորվել: Հիմնականում դժվարությունները նյութական են, ըստ իս ապագան պետք է կապել ապահովագրական բժշկության հետ:Հետևաբար պետական բժշկւթյան հետ միասին պետք է ստեղծել ապահովագրական ընկերություն:Մասնավորը պետք է հենված լինի ապահովագրականի վրա,և դա բժշկին շատ հոգսերից կազատի:Մեր ապագան ապահովագրական բժշկությունն է:
Բուժսպասարկման ի՞նչ ինքնատիպ ծառայություններ է մատուցում Ձեր բուժհիմնարկը
Հիմնականում նույնն է,ինչ-որ չափով դիմածնոտային շրջանի ուռուցքաբանության մեջ է մասնագիտացված,որևէ կլինիկայից հետ չենք,ձգտում ենք պահպանել առողջ մրցակցուրյան սահմաններում մեր աշխատանքը:
Որտեղի՞ց է համալրվում անձնակազմը և ի՞նչ վերապատրաստումներ է նախաձեռնում բուժհիմնարկը
Կադրերը հիմնականում Մ. Հերացու անվան բժշկական համալսարանից են:
Բաժանմունքը վերապատրաստման բազա է առողջապահության ազգային ինստիտւտի համար,որտեղ ունենք տարբեր բուհերի կլինիկական արդինատորներ(հիմնականում Հերացու անվան բժշկական համալսարանից են),որտեղ հետդիպլոմային ուսուցում են ստանում նաև անցկացնում են ուսումնական պրակտիկան:
Ի՞նչ պարգևների եք արժանացել
Պարգևներ կան մասնավոր ինստիտուտների կողմից «Լավագույն դասախոս» պարգևը պետության կողմից չենք ստացել,համեստ մարդիկ ենք:
Բժիշկ դառնալու համար ի՞նչ դեր է խաղում հոգատար մարդ լինելու գործոնը
Պետք է հոգատար լինի,անտարբեր մարդն ինչպես կարող է բժիշկ լինել:
Օտարերկրյա կամ տեղի գործընկերների հետ ի՞նչ համատեղ միջոցառումներ կամ ծրագրեր են իրականացվում
Հաճախ են լինում փոխադարձ այցելություններ.անցյալ տարի Ֆրանսիայում էի,ռուսական կլինիկաներ ենք շատ այցելում Մոսկվայում հիմնականում, կոոֆերանսներ են կազմակերպվում, մասնակցում ենք:
Ձեզ համար ի՞նչ ասել է բժիշկ
Մարդկանց առողջություն պարգևող ,օգնող:
Հատկապես ի՞նչն է Ձեզ դուր գալիս մասնագիտության մեջ
Բարդ հարց է,կարելի է ասել ես սիրում եմ ավելի շատ մարդկանց գեղեցկացնելը,վերականգնողական,էսթետիկ վիրահատությունը:
Ի՞նչպես դարձաք բժիշկ
Ես բժշկական ընտանիքում չեմ մեծացել,բժիշկ դարձա քրոջս խորհրդով և մեծապես Աստծո միջնորդությամբ:Ես սիրում եմ իմ գործը և հաճույքով եմ աշխատում:Ամենակարևորը ինչ գործ էլ որ ընտրես,պիտի մինչև վերջ նվիրվես քո գործին:
Որպես ուրիշի կյանքը փրկող մարդ ի՞նչ զգացողություն եք ունենում, երբ ևս մեկ հիվանդ է ապաքինվում Ձեր միջոցով
Ինչ-որ տեղ ես էլ եմ երախտագետ լինում գեռբնական ուժերին,որ օգնեցի հիվանդին. ուրախություն,հուզմունք,լինում է իհարկե:
Ժամանակի մեծ մասը նվիրել եք մարդուն բուժելուն,իսկ ընտանիքի համար ժամանակ մնու՞մ է
Մեր ընտանիքը բժշկական է,իհարկե շատ քիչ ժամանակ է մնում.ընտանիքի հոգսը երկրորդ կեսի ուսերին է:
Ձեր մաղթանքը հայ ժողովրդին
Մեր ազգին կմաղթեմ լինել առավել խոհեմ,ի տարբերություն մյուս ազգերի մենք ավելի պակաս խոհեմ քայլերով ենք մեր կյանքը դասավորում,լինել առողջ,խաղաղ ապրել,պարտադրված պատերազմներից հեռու մնալ:
Հարցազրույցը վարեց Նարինե Թադևոսյանը
|
