 |
|
|
ՆԵՐՔԱՂԱՔԱԿԱՆ
Դատարանը մերժեց Փաշինյանի փաստաբանների միջնորդությունը. Ներկայացվել է նորը
2010-03-03 14:15:41
|
Այսօր Վերաքննիչ դատարանում մերժվեց «Հայկական ժամանակ» օրաթերթի գլխավոր խմբագիր Նիկոլ Փաշինյանի փաստաբաններ Լուսինե Սահակյանի ու Երվանդ Վարոսյանի` դատավորին ներկայացրած ինքնաբացարկի միջնորդությունը:
Նկատենք, որ փաստաբանները միջնորդություն էին ներկայացրել մասնավորապես դատավորներ Սերժիկ Ավետիսյանին և Արշակ Խաչատրյանին: Փաստաբանները դա հիմնավորել էին նրանով, որ վերոնշյալ դատավորները անաչառ վճիռներ չեն կայացնում: Ինչևէ, որոշ ժամանակ անց խորհրդակցական սենյակում միջնորդությունը քննարկելուց հետո այն մերժվել է:
Նկատենք, որ դատական նիստի ժամանակ Փաշինյանն ասել էր, թե «եթե մերժելու եք, գրեք, որ մերժում եք ինքնաբացարկի միջնորդությունը` ավելի լավ դատավորներ չլինելու պատճառով»:
Այդ ամենից հետո դատավորը նկատեց, որ բողոքներ ներկայացրել են և պաշտպանական, և մեղադրող կողմը: Հիշեցնենք, որ մեղադրող կողմը վերաքննիչ բողոք էր ներկայացրել Վերաքննիչ դատարան` պահանջելով մեղադրական դատավճիռ կայացնել նաև քր.օր.-ի 316 հոդվածի՝ 1-ին մասով՝ «Բռնություն իշխանության ներկայացուցչի նկատմամբ»:
Իսկ ահա պաշտպանական կողմը պահանջում էր 225 հոդվածի առաջին մասով և 316 հոդվածի առաջին մասով կայացնել արդարացման դատավճիռ հանցակազմի բացակայության պատճառով։
Լուսինե Սահակյանն իր հերթին նշեց, որ որ իրենք դիմում-բողոքի դեմ պատասխան էին ուղարկել, որը 391 հոդվածի համաձայն, դատավորը պարտավոր էր շարադրել։ Սակայն դատավորը դա չարեց` նկատելով, որ դա կանի այս փուլում, բայց ոչ հիմա։
Դրանից հետո Փաշինյանի փաստաբանները ինքնաբացարկի նոր միջնորդություն ներկայացրին, քանի որ «դատավորներն իրենց պահվածքով ցույց տվեցին, որ անկոմնակալ չեն»։
Այժմ դատավորը 20 րոպեով հեռացել է խորհրդակցական սենյակ ինքնաբացարկի նոր միջնորդությունը քննարկելու համար։
|
|
|
|
|
|
Լրահոս |
|
2010
09
10
| Երկ | Երեք | Չոր | Հինգ | Ուրբ | Շաբ | Կիր | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 |
|
|
